9 خطوات مهمة في روتين العناية بشعرك المفرود
مقدمة عن روتين الشعر المفرود
2058
الشعر المفرود هو الشعر اللي مش بيكون فيه تجاعيد خالص، بيتميز كمان انه سهل التحكم فيه في تسريحات مختلفة، الروتين هيخلي شعرك مفرود بصورة صحية مش ملزق أو دهني.
فوايد من روتين روتين الشعر المفرود
روتين العناية بالشعر المفرود بيفيد شعرك ازاي؟
- هيخلي شعرك مفرود بصورة صحية مش ملزق أو دهني.
- هيجنبك كتير من مشاكل الشعر زي التكسر والتقصف اللي بيحصل نتيجة عدم الاهتمام بالشعر.
- هيخليكي تتجنبي الكهربا الساكنة Static اللي بتسبب هيشان الشعر.
- هيزود كثافة شعرك بصورة ملحوظة.
تفاصيل الخطوات
استخدمي شامبو لطيف لشعرك
الشامبو أول حاجه في روتين العناية بالشعر المفرود:
- خطوة الشامبو هي خطوة أساسية في أي روتين لأي نوع شعر.
- لشعرك المفرود اختاري شامبو خفيف، ممكن يكون خالي من السلفات أو فيه سلفات خفيفة حسب طبيعة فروة رأسك.
- خففي الشامبو بالمياه قبل ما تستخدميه على فروة رأسك عشان تتجنبي الجفاف اللي ممكن يسبب الشامبو لشعرك.
استخدمي البلسم المناسب
البلسم مهم في روتين العناية بالشعر المفرود:
- البلسم مهم لشعرك المفرود، لأنه بيرطبه وبيحافظ على أطرافه من التشابك والجفاف.
- اختاري الشامبو حسب نوع شعرك، جاف ولا دهني ولا عادي، واستخدمي الشامبو بس على أطراف شعرك من غير ماتخليه ييجي على فروة شعرك عشان ميسببش القشرة.
فكي تشابك شعرك بالراحة
ازاي تفكي التشابك في روتين العناية بالشعر المفرود؟
- سرحي شعرك وهو ناشف قبل الشاور بمشط واسع من تحت لفوق، ده هيساعك تفكي التشابك بعد ما تخلصي غسيل شعرك.
- بلاش تستخدمي فرشاة قاسية على شعرك، ممكن تستخدمي فرشاة خشب أو مشط أسنانه واسعة.
- تجنبي تماما أنك تسرحي شعرك وهو مبلول، لأن الشعر المفرود بيكون في أضعف حالاته في الوقت ده، عشان كده يفضل تسيبيه ينشف تماما قبل ما تبدأي تسرحيه.
- ممكن وهو مبلول بس تفكي التشابكات بأطراف صوابعك، وتستني أما ينشف وتبدأي تسرحيه.
استخدمي ليف إن خفيف
متنسيش الليف إن في روتين الشعر المفرود:
- لو شعرك المفرود بيعاني من الهيشان المستمر، الليف إن ممكن يكون خيارك الأفضل عشان تتحكمي في الهيشان ده.
- اختاري ليف إن خفيف عشان ميتقلش شعرك أو يخليه يظهر بمظهر دهني.
- وزعي الليف إن على أطراف شعرك بس من غير ما تخليه ييجي على فروة رأسك عشان ميسببش تراكم للمنتجات ويظهر عندك قشرة، ومع الاستمرار على روتين العناية بالشعر المفرود هتلاحظي الفرق.
بلاش تعملي تسريحات مرهقة للشعر
ايه التسريحات المناسبة لما تعملي روتين الشعر المفرود؟
- الشعر المفرود غالبا بيكون ضعيف شوية وسهل يتكسر.
- حاولي أنك تتجنبي تعملي تسريحات كتير محتاجه الحرارة، الحرارة بتأذي شعرك بنسبة كبيرة وبتخليه ضعيف ومتقصف وتالف.
خلي دايما روتينك بسيط
ازود كام منتج في روتين الشعر المفرود؟
- زي ما بنقول دايما، الروتين مش لازم يكون معقد ومليان منتجات عشان يدي نتيجة كويسة.
- زيادة المنتجات في الروتين ممكن تدي نتيجة عكسية، زي أنها تتقل الشعر بسبب التراكمات اللي هتعملها فيه، وده في النهاية هيسبب تساقطه.
- الشعر المفرود بيكون معرض جدا لده لأن هو بطبيعته بيكون خفيف عن أنواع الشعر التانية، عشان كده مهم متستخدميش منتجات كتير مالهاش لازمة، خلي روتينك بسيط والتزمي دايما بالأساسيات.
قصي أطراف شعرك أول بأول
متنسيش تقصي أطراف شعرك وانتي بتعملي روتين الشعر المفرود:
- من المشاكل اللي بيقابلها الشعر المفرود، الأطراف المتقصفة.
- الأطراف المتقصفة مشكلة ممكن تتجنبيها، لكن لو حصلت فمفيش أي علاج ليها غير أنك تقصي أطراف شعرك.
- دايما قصي أطراف شعرك كل 4-6 أسابيع عشان تحافظي على شعرك من التقصف وتسمحيله يطول بصورة صحية.
احمي شعرك من الكهربا الساكنة Static
هتعملي ايه لو لقيتي كهربا في شعرك لما بتعملي روتين الشعر المفرود؟
- أصحاب الشعر المفرود دايما بيعانوا من المشكلة دي باستمرار في الشتا، وهي الكهربا الساكنة Static.
- الكهربا الساكنة Static بتخلي الشعر يتنافر مع بعضه ويظهر بمظهر هايش مش لطيف.
- الموضوع بيحصل بنسبة أكتر في الشتا، وبيزوده الحاجات الصوف الكتير اللي بنلبسها في الفترة دي.
- عشان تتجنبي الكهربا الساكنة Static، ممكن ترشي شوية من سبراي الليف إن على الفرشاة وأنتي بتسرحي شعرك،ده هيقلل من الشحنات ومش هيخلي شعرك بتنافر.
نظامك الغذائي لازم يكون صحي
أكلك هيفرق معاكي في روتين الشعر المفرود:
- صحة شعرك هي مراية لصحة جسمك، عشان كده مهم تسمعي لشعرك، لو لقيتي أن دهون شعرك زايده يبقى حاولي تقللي الدهون في أكلك أد ما تقدري، وممكن تختاري أكلات تقلل تساقط الشعر.
- ولو لقيتي أن شعرك جاف جدا، فحاولي تزودي كمية المياة اللي بتشربيها في نظامك الغذائي.
- المياه بتحافظ على ترطيب شعرك وبتساعده ينمو بصورة صحية.
- اشربي 2 لتر يوميا على أقل تقدير عشان تحافظي على صحة شعرك.
عدد الخطوات: 9
- استخدمي شامبو لطيف لشعرك
- استخدمي البلسم المناسب
- فكي تشابك شعرك بالراحة
- استخدمي ليف إن خفيف
- بلاش تعملي تسريحات مرهقة للشعر
- خلي دايما روتينك بسيط
- قصي أطراف شعرك أول بأول
- احمي شعرك من الكهربا الساكنة Static
- نظامك الغذائي لازم يكون صحي
االمصادر
اسم المصدر: Madison Reed
المقال ده بيقدملك 10 نصايح عن ازاي تهتمي بشعرك المفرود، وتحافظي على صحته من غير ما تستخدمي منتجات كتير مالهاش لزمة.
اسم المصدر: Hairfinity
الشعر المفرود بيتميز أنك ممكن تتحكمي فيه بسهولة، وتعملي من تسريحات مختلفة.
شعرك المفرود ممكن يحتاج منك اهتمام أقل، لكنه هيفضل محتاج الاهتمام والروتين عشان يفضل بصحته ولمعانه.
عدم الاهتمام بشعرك هيعرضه لمشاكل كتير زي التساقط والهيشان والتقصيف والتكسر.
لأن شعرك مفرود، فروتينك هيكون بسيط جدا ومش متكلف ومش مليان منتجات مالهاش لزمة.
دايما حافظي على روتين شعرك بسيط عشان تقدري تلتزمي بيه أكتر وتلاقي منه نتايج كويسة.
المقال ده بيشرحلك 8 نصايح عشان تحافظي على شعرك المفرود صحي وبيملع، وتجنبيه مشاكل الشعر المختلفة.
اسم المصدر: Healthline
الشعر المفرود هو الشعر اللي مش بيكون فيه أي نوع من أنواع التجاعيد نهائي.
أنواع الشعر المختلفة بتشمل المفرود، الويفي، والكيرلي.
تحديد نوع وطبيعة شعرك هيساعدك تحددي الروتين والمنتجات المناسبة ليه.
مهم كمان أنك تحددي نوع شعرك سواء جاف ولا دهني ولا عادي، عشان ده هيساعدك جدا في العناية بشعرك واختيار المناسب ليه.
المقال ده بيوضح أنواع الشعر المختلفة، وازاي تفرقي بينها، والصفات اللي بيتميز بيها كل نوع شعر، و كمان بيتكلم عن مسامية الشعر وازاي تحدديها وازاي هتفرق في اختيارك لأدوات العناية بشعرك.
5
/5بناءً على 01 تقييم
أوصت به 01 ريڤيوهات
درجة التاثير
سرعة التاثير
الاضرار الجانبية
بواسطة 01
رتبي حسب
بسمه
شعري الناعم اللي بحبه
اجلي ميزه ربنا يخلقها في البنت ان يكون عندها شعر ناعم وطويل ساعتها هي بتهتم بيه اكتر من اي حاجه تانيه وبحب شعري جدا والحمد لله علي النعمه دي وروتيني لشعري بسيط جدا شامبو بالهالورونيك اسيد زي الفيف بيحافظ علي رطوبته ونعومته وساعات استخدم بلسم وساعات لا بغسل فروه راسي بالشامبو بعد تخفيفه بالمايه اما البلسم مش لفروه الراس لا …البلسم يستخدم من اول مكان ربط الشعر لحد اطراف الشعر عكس الشامبو وتدليك فروه الراس بالشامبو خي بباطن اصابع اليد مش بالضوافر عاماي شعرك زي الورده مينفعش الورده تتعامل بقوه …ولما بخرج بنشف شعري بالقوطه عادي مبستخدمش اي حراره عليه وبدهن مسحه خفيفه جدا من زيت الارجان بصراحه زيت الارجان رهيب للشعر مسحه خفيفه بترطبلي شعري كله ..كل بنوته حلوه لازم تحب شعرهامهما كان نوعه وشكله وتهتم بيه لان شعرك تاجك …🥰
شاركيه على
الريڤيو مفيد؟